पदार्थान्वयभाषाः - हे मनुष्याः ! ईश्वरस्य महान् महिमास्ति। न कुत्रापि अपूर्णता न्यूनता वास्तीति प्रदर्श्यते। अधिः सप्तम्यर्थानुवादी। समाने अधि=तुल्ये। भार्मन्=परमात्मना भ्रियमाणे पोष्यमाणे जगति सति। समानरूपेण त्रयः=इमे दृश्यमाना लोकत्रयरूपाः। कोशाः=द्रव्याश्रयगृहाः। श्चोतन्ति=प्राणिनां सुखाय सर्वत्र क्षरन्ति सुखं सिञ्चन्ति। तथा तिस्रः चम्वः=लोकत्रयरूपाश्चमसाः। सुपूर्णाः सन्ति=धनैर्वा आनन्दैर्वा परिपूर्णाः सन्ति। हे मनुष्याः ! तान् लोकानिमान् पश्यत ॥८॥

पदार्थान्वयभाषाः - (समाने, भार्मन्, अधि) समानसंग्राममध्ये (त्रयः) त्रिसंख्याकाः (कोशासः) अर्थसमूहाः (श्चोतन्ति) फलानि क्षरन्ति (तिस्रः, चम्वः) तिस्रः सेनाश्च (सुपूर्णाः) सुपूरिताः भवन्ति फलप्रदाः ॥८॥